..الاول عاوزاكي تعرفي ان اذا كانت شخصيتك حلوة فمسالة اللون ده مش مهمة ابدا ...وكمان تعرفي ان فيه نساء سمراوات او بشرتهم داكنة وفائقات الجمال بل ان اغلب الحسناوات سمراوات او حتي لو بشرتهم بيضا هتلاقي شعرهم اسود وعيونهم سود يعني dark كما يسمونهم الخواجات ( شوفي هالي بيري بيونسيه كاترين زيتا جونز سلمي حايك مونيكا بيلوتشي جينفر لوبيز وعندنا هيفا وهبي و اليسا و مني زكي وغيرهم الكثيرات ) والواقع انهم يسمون البشرة السمراء بالبشرة الدافئة ويرونها مثيرة جدا sexy يعني وفي المقابل هتلاقي نساء بيض كتير لكن ليسوا جميلات والواقع ان اللون الابيض الشديد ده اللي عامل زي البهاق ما بيحبوهوش حد ويقولوا عليه في العربي الابيض الكريه ( سيدنا محمد ص يوصف بانه كان لا بالاسمر الادم ولا بالابيض الكريه يعني ليس بالاسمر شديد السمرة ولا بالابيض الكالح يعني هذا اللون الهادي الجميل اللي بين القمحي الفاتح والابيض الشاهق اللي عامل زي البرص ) والواقع ان حتي الاجانب نفسهم اللي هو ده لونهم ما بيحبوهوش وبيكلفوا نفسهم بالالاف عشان يروحوا لبلد فيها شمس ويتلفحوا تحت الشمس ويعرضوا نفسهم لسرطان الجلد علشان يغيروا لونهم الشاحب ده ويبقي لونهم اسمر برونزي جميل زينا احنا العرب علي العموم ارجع واقول زي ما في بيض بيسمروا نفسهم فيه برده سمر عاوزين يفتحوا لونهم وده مش معناه ان فيه لون وحش ولون حلو لكن معناه ان فيه لون انا شايفه لايق عليه اكتر .. والوصفات اللي جايه هتنفعك في استعادة لونك الاصلي ازا كان لونك اغمق لاي سبب بس بشرط توقفي السبب اللي ادي الي الاسمرار يعني لو الشمس يبقي تبطلي تطلعي في الشمس لو السجاير؟( السجاير بتغمق البشرة وهقول لكم ازاي في موضوع تاني ) تبطليها وهكذا ..
(1). الاول لازم تشربي ماء كتير ده هيساعدك حتي لو كان عندك هالات هيخففها
(2) تناولي اغذيه الغضارة وهي الاطعمة اللي بتزود الاكسجين في الدم كالفواكه والخضاروبالذات التفاح والجوافة والكمثري والخوخ والجزر والخيار كليهم بقشرهم
(3) عليكي بالوصفات الطبيعية الليمون والكركم وعسل مبيضات طبيعية اليكي هذه الوصفات اللي بتدخل فيها هذه المكونات وادا واظبتي عليها هتشوفي نتيجة في 10 ايام بس اعمليها يوميا ....
(1) اخلطي الزبادي و الكركم وادهني الوجه والرقبة والذراعين واشطفي بعد ا يجف
(2) اطحني بعض اوراق النعناع وادهني بها البشرة اشطفي بعد ان يجف ..
(3)اخلطي الشوفان مع الزبادي و عصير الطماطم وضعيه ع الوجه 15 ق )4)ضعي مقادير متساويه من العسل و الليمون ع الوه و الجسم لمدة 15 ق (5)لسمار اليدين اخلطي زيت عباد شمس مع عصير لمون مع سكر وضعيهم ع اليدين 20 ق ثم اشطفي بماء بارد
(6)لسمار القدمين غطسيهم في ماء به عصير لمون 20ق
(7)لسمار الرقبه اخلطي عصير لمون و عصير خيار بمقادير متساويه مع نصف م ص كركم و اتركيه 20 ق
(8)سمار الشفاه اذا كان ناتج عن التدخين او شرب الشاي و القهوة فامتنعي عنهم ادهني الشفاه بفازلين مضاف اليه قطرات لمون و كذلك افركي شفاهك بفرشاة الاسنان للتخلص م الخلايا الميتة فيهما