انا بنت وحبيت واحد سنتين وكنا قريبين اوى و كنت ماليش صاحب ولا اخ ولا اب ولا حبيب غيره وكنت بحكيله على الصغيره قبل الكبيرة واستغنيت بيه عن الناس وبعدين سابنى بلا اى مقدمات ومن غير ما ازعله او يكون فيه مشاكل بينا وعرفت انه اتجوز وانا قعدت اربع شهور منهارة وعينى من البكا هتروح وكل ما يحصل موقف ادامى افتكره واعيط كل ما اسمع اسمي بالدلع اللى كان بيقوله اعيط تعبت وكنت ببعت له ع الميل لمدة اربع شهور وكنت بقله انا عارفه انك كنت بتكدب عليا بس انا حبيتك وانى تعبانه وما كانش عندى امل انه هيفتحه وتعبت واهملت شغلى ودراستى وحتى حالتى الصحيه اتدهورت لانى ما بنامش وما بكلش ومكتئبة علطول واتجهت لربنا وكنت بدعى والله كتير يفرجها عليا بحد اتجوزه واحبه زى كده رجع رد عليا بعد اربع شهور يقلى انا عمرى ما هنساكي وانتى تستاهلى احسن منى وبحاول انساكي مش عارف وابقى طمنيني عليكى الكلام ده تعبنى زياده وانهرت فى البكا تانى لان صعبت عليا نفسي انه متجوز ومبسوط وعايش حياته وجاى بس يرمي لى كلمتين زى ما بيرمى العضمه للكلب مع انى للاسف مبسوطه انه حتى سال عليا بس تعبت والله من الشعور بالظلم وعينى فعلا تعبانى وانا اصلا عندى 36 سنة وعمرى ما حبيت قبل كده اصلا هوا اول حب وبرده رحت لدكتور نفسانى ما فادنيش