خطيبى لا بيجيبلى هدايا ولا بنخرج ولا بيجيب مواسم اوووووووف بكرهه الكلمه دى بس مضطره اقولها

وشيفاه كريم ومفيهوش ريحه البخل

بليييييييز اقروا المووضع للاااااااااااااااااااااااااااااااااااااااااااخر ب انا عارفه اللى عندها مشاكل زى دى هتقراه للاخر واللى المووضع مش فارق معاها ممكن تقرا الخلاصه اخر سطرين فى التوبيك ابتسام جميل


وبليز اللى رايها مخالف مش تقولوا الا لو هتقراه كله فعلا

المواسم والفلوس الهدايا ده مش طريقه تقيمى لمووضع البخل
اصل انا مش مستنيه واحد يجى يخطبنى عشان ياكلنى ويشربنى ويجيب لاهلى مواسم اكل وزيت وخزين بيت
هو اهلى مش معاهم يجيبوا يعنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ومحدش يقولى تقدير انا الصراحه بعلنها وقلتها فى كذا توبيك انا شيفاها اهانه اصلا هو ايه ده اللى يجيب خزين بيت تحت اسم مواسم والاهل يتكلموا ويقولوا فين الموسم والعيله لو عرفت انه مش جاب يروحوا يقولولوا ويلوموه
مع احترامى لكل التقاليد دى اسمها شحااااااته


انا كلامى مش موجهه لاى واحده هنا والله ولا قصدى اهانه لاى حد

بس انا بتكلم على العادات الغلط اللى مشينا وراها وصلتنا لكده

لييييييييييه اكلف واحد يجبلى كل موسم حاجه بحوالى 300 ج والموسم ده الى اكتشفته انه بينط فى كل شهر يعنى كل شهر فى موسم تحت اسم مختلف واللى مش فيه موسم هيبقى عيد الام او عيد ميلاد خطيبته عيد خطوبتهم هديه عشان النجاح ............... هديه عشان غسلت المواعين النهارده ههههههههههههههههه (والله دا اللى ناقص )


وايه الى يجبر عروسه فى مناطق معينه انها تروح لحماتها بزياره فراخ وحمام وبط ومفارش سرير وفى ناس بتجيب تلاجه ههههههههههههههههههههههههه اه والله العظيم قريت هنا بلاوى
بجد حرااااااااااااااااااام دا كفر بنعمه ربنا ده

فى ناس مش لاقيه لقمه وعيشه شهر بحالو ب 300 ج واحنا نتكلم فى زياره فى يوم بالمبلغ ده
ده لو النبى ادم معاه يخاف يجيب ربنا يحاسبه ويسالوا على الاسراف ده عشان خايف من كلام ناس واصول ملهاش دعوه بالاصول
بس بنسميها اصووووووووووول عشان نحرج الطرف التانى

مش عاوزه اتكلم فى مووضع الموسم اكتر من كده عشان بجد بشمأز منه ( مع العلم انه خطيبى بيجيب فى العيد والمولد وماما زعقتله وقلتله كدا كتير مش تجيب حاجه ............. لحسن حد يفتكرلى بقول كده عشان متغاظه ولا حاجه سعيدة قوي)





الخروج بقى
*********

انا من ساعه الخطوبه انا وخطيبى منحوسيييييييييين ومش عارفين نخرج وبقالى سنه ونص مخطوبه واعرفه قبلها بسنييييييييييييييييييييييين كتير كده نسيت عددهم سعيدة قوي ومش خرجنا بعد لخطوبه غير مره تقريبا والباقى كله تقضيه مصالح ليا وننزل نتمشى قربالبيت فى روكسى كده ونرجع
والعيب مش منه بس كل ما نرسم على حاجه يقومولنا بثوره سعيدة قوي واعتصام ورعب فى البلد والاجازات كلها مضروبه لو تلاحظوا نخلص امتحنات من هنا والبلاوى تحصل فى البلد

والحمد لله لا قلت عليه بخيل ولا اىىىىىىىىىىى حاجه
واول نزولى معاه فى الشارع بعد الخطوبه قالى انا فى خجات مش باخد بالى منها لما تعوزى حاجه واحنا ماشين قولى
وكنت بتكسف اقوله عطشانه او حاجه بعدين بقيت عادى وهو اتعود قبل ما احس انى عاوزه حاجه الاقيه يجيبها
ولو رايح يجيب حاجه وعارفه انه الشهر ده فلوسه معجزه معاه بقولوا مش هتجيب وبحلف عليه

كل ده ليا فى الاخر وانا مش متجوزه واحد عشان فلوسه ولا عشان يصرف عليا
انا لو اطول انا اديله فلوس ويخلص اللى وراه هعملها
مش اعد اقص فى فروته كده لحد ما يخلص فى ايدى



الهدايا
*****

كاى بنت طبعا هزعل لو مش جالى هديه ومره زعقت بعد ما قعدت كام يوم اقرا كلام هنا وما انكرش ان اثر عليا مع ان علاقتنا تخلينى فهماه كويس اوى بس الزن على الودان امر من السحر سعيدة قوي وسحبتكوا هبله
والله راح جابلى ساعه عاديه ومج وحاجه تانيه وبعديها اضايقت من نفسى اوووووووووى وقعد يقولى انا اسف انتى عارفه انى عاوزه اجيب كل حاجه

وبقيت مش طايقه نفسى انى خطيته فى الموقف ده وبقى عمال يقولى انا عارف انى رخم كل شويه انا الى اجى اقولك عاوز اجبلك كذا ومش اجبهولك



تغووووووووووووووور بقى اى هديه واى فلوس واى خروجه قصاد انى اعمل فيه كده او اخليه يزنق نفسه عشان انا اتبسط

بجد اللى تضايق من خطيبها عشان مش بيجيب تراجع نفسها وتررررررررررركز كده هى عوزاه هو ولا عاوزه هداياه ؟؟؟؟؟؟؟






(((((((((((بابا دخل المستشفى من 3 شهور وجالو شلل نصفى وخطيبى دلوقتى هو اللى بيودى مع ماما الدكتور وهو اللى كان بيخدمنا طول ما كنا فى المستشفى عشان كنا لوحدنا واخويا مسافر ولحد بعد ما اخويا نزل وسافر تانى لحد النهارده هو اللى بيعملنا كل طلبتنا ولولا ان اخويا لازم يسافر تانى وشاف ان خطيبى يعتمد عليه مكنش سافر............... ومكنتش اتوقع انه هو كده على فكررررره وعمرى ما هنسهالو واترفد من الشغل بسبب الغياب................ ومش لازم لا قدر الله كل واحده يحصل معاها مصيبه وابتلاء زى ده عشان تعرف ان خطيبها راجل واصيل ))))))))))))))





موقفين على الله يقنعوكوا بكل اللى فات ده

انا اعرف واحد قعد 7 سنين يحب واحده وخطبها سنتين يعنى 9 سنين يعرفوا بعض مش جبلها هديه واحده مخضوضة تصدقوا دى مع انى كريييييييييم ومش بخييييييييييييييييييييل خااااااااااااااااالص وهى دايما بتجبله وقالتلى بعد ما اتجوزوا انها عمرها ما قالت عنه بخيل خالص وكانوا بيخروا مره فى سيتى ستارز ومره يتمشوا فى الشارع يعنى مره يصرف 50 ج ومره يصرف 5 ج اصلها مش بالفلوس بس المهم هى اتبسطت فى اليوم ده معاه ولا لا

بعد الجواز بقى واللى معوضها عن كلللللللللل ده ليه بقى لانه هو اساسا مش بخيل ومووضع الهدايا مش مهتم بيهوهى تقبلته كدا وعمرها ما قالت مش هجبله الهديه الواحده كانت بتعدى ال 200 ج

دلوقتى بيجيبلها بالدهب وبيصرف عليها كويس اوووووووووى

ومقدرها جداااااااااااااااا ماشاء الله



الموقف التانى

خطيبى بنت عمتوا مخطوبه لقريبوا وكل شويه تقول لخطيبها على حاجه وهو كان بيجيب وعلتلوا تمن الشبكه وجاب بردو وبيجييبلها اللى عوزاه ويخرجها وكللللللل حاجه
لحد ما جه فى اتفه حاجه وراح اتخانق معاها وسابها قلها انتى مش عيزانى

وعرفت من خطيبى انى مامتوا قلتلوا لو كانت عوزاك كانت تقبلتك بظروفك وعندى خطيبه ابنى شايفه ظروفه ومقدراه وبيسب الشغل بالكذا شهر وعمرها ما اشتكت وانا مهما حصل منها مش هنسلها انها واقفه جنبه
والله عمررررررررررررررررى ما كنت اتصور انها شيفانى كدا خااالص ولا انها واخده بالها من الحجات دى واهى مش قالت فى وشى يعنى ممكن مكنتش اعرف انها شيفانى انى واقفه جنب ابنها

خطيبى سمعها بالصدفه وهى بتكلم مه قريبوا وحتى ما تعرفش انه سمعها
والنهارده كنت عندها وانا زعلانه منها انها مش بتتتصل بيا برررررررررررردو عشان بشوف المشاكل دى هنا بقيت بركز فى احجات دى
واول ما شفتنى قعدت تقولى معلش ماثره معاكى ومع ماماتك ومش باجى خالص ولا بتصل

وانا الصراحه كفايه عليا انى اسمع الكلمتين دول








ممكن محدش يقولى انى مضحوك عليا وان حماتى ممكن تكون كلمنجيه او خطيبى عارف يثبتنى سعيدة قوي
لان انا دخلت بيت الناس دول وقربت من البنى ادم ده وقبل ما اوافق على خطوبه (مع انى بحبه بقالى سنييييين بس فكرت كتير قبل الخطوبه ) عارفه ان الناس دى اصيله وزينا وزى اهلى وماما مش وافقت غير لما اتاكدت انهم ناس كويسه




يعنى اللى تيجى تقولى انها تعرف واحده زيى وحصلها فى الاخر بلاوى يبقى ده سوء اختيار منها هى




الخلااااااااااااااااااااااااصه
الخطوبه مش بتلزق اللى شايفه ان اللى معاها مش مناسب ومش راجل بجد ويسد فى الازمات يبقى تسيبه
واللى خطيبها فى كل الصفات دى وبصت لمواسم وهدايا وفلوس يبقى هى ما تستهلهوش وتدور على حد تانى يعرف يرضيها باللى هى عوزاه