طبعا كلنا عندنا معاناة ازالة الشعر وكلنا تخلينا انه في وصفات لوقف نمو الشعر زي السعد الزيت والكريم والوصفة والملح والليمون والترمس وبياض البيض وكل ده
وبجددددددد جربتهم كلهم وشهور كمان ولا ليهم لزمة

وكنت بستعمل السويت لازالة الشعر من ثانوي يعني ليا 5 سنين بستعملها وتمام وفل ومش مؤلمة بالنسبة لي بسي طبعا مش بتشيل كل الشعر الخفيف وكمان بقعد بالساعات ومتعبة تفردي بصوابعك وفي الاخر تحمر وتوجعك وتعيدي عالمكان وهيصة بقى


بس مشكلتي في الشتا بسقع اوي وجسمي دايما ساقع فالسويت بتحجر
سمعت عن براون سيلك ابيل بجد لعنة اسواء حاجة في العالم مؤلمة جداااااااا كانك بتشيلي شعره شعره وكمان بتقطع الشعر مش بتشيله كله وبتسيب القشف والجلد الميت

وسمعت عن جهاز الشمعوعرفت عنه كل حاجة وبعدين اشتريته امبارح
 وبجدددددددد والله جمييييييل جدا وبينجز يعني ايدي ورجليا كلها خلصتها في اقل من نص ساعة يعني ميزة السويت في الازالة من الجدور وازالة الجلد الميت وميزة البراون في السرعة
ومش بعيد عالمكان تاني لانه من اول مرة بيشيل كل الشعر حتى الشعر القصير والخفيف بيطلع يعني بجد تحفة وبيسيب الجلد وردي كدة ونقي وبيشيل الجلد الميت زي السويت طبعا

بجد لازم تجيبوه والله حيسهل عليكم كتير وعلى فكرة مش سخن يعني الجهاز مش بيخلي الشمع يغلي زي ماانا كنت متخيلة لالالالالالالالا بيبقى دافي مش سخن اصلا عادي تتحمليه من غير مشكلة خالص ولا التهاب ولا الجو ده خالص

بس جربت اعمل تحت الابط عمل التهاب فبلاش الاماكن الحساسة

جبته من اسكندرية من المنشية 7 *1 ب 85 وجبت معاه 100 منديل اضافي ب 10 جنيه والشمع الاضافي بيتباع الشمعه ب 10 برضه بس ماجبتش لانه معاه 3 شمعات
وهو صنع هونج كونج بلاش الصيني ومعاه زيت لان الشمع اللي حيفضل فيكي بيطلع بالزيت ولما يخلص الزيت هاتي زيت جنين قمح وزيت زيتون لانه الزيتون بياخر نمو الشعر وجنين القمح بيبيض الجلد وانا مجرباه والله جميل بيوحد لون البشرة كمان

ال 3 * 1 وحش بلاش حد يجيبه لانه الجهاز بيكون متوصل بالسلك يعني ماتقدريش تبعدي عن كبس الكهرباء لكن ال 6 *1 وال 7 *1 بيكون الجهاز منفصل عن الفيشة يعني الفيشة في القاعدة والجهاز اللي بتمسكيه بايدك من غي فيشة واضح؟











الشمعة حتخلصي بيها ايديكي ورجليكي للاخر مرتين
بس اول استخدام طبعا حتستهلكي كتير لانك لسة مش واخدة عالنظام














طريقة الاستخدام
بتشيلي السلوفان بتاع الشمعة وتحطيها في الجهاز وبعدين تحطي الجهاز عالقاعدة وتحكي الفيشة فيه وفي الكهرباء
وتسيبيه نص ساعة يسخن بعد ماتنوري اللمبة الحمراء
وبعدين تفردي مع اتجاه الشعر طبقة واحدة بس مش رايح جاي
وتحطي عليها المنديل وتثبتيه وبعدين تشدي عكس اتجاه الشعر
لمعان ونعومة وكل الشعر حيتشال من اول شدة ومش حتعيدي تاني حتى اقصر واخف شعرا