اولا نصلى على النبى عليه افضل الصلاة والسلام
حبيت اتكلم معاكم فى موضوع يهم كل مخطوبة وكل بنوتة ممكن تتعرضله

الا وهو

التجـــــــــــــــــــــــــــــــــــــــــــاوز ات

ايوة تجاوزات الخطوبة

هتقولى يعنى ايه يا بنتى

هقولك يعنى بحبك نفسى امسك ايدك نفسى اخدك فى حضنى نفسى ونفسى ونفسى

والاول بيبقى كلام وتانى مرة تلاقي الموضوع قلب بالعملى

اللهم استرنا واحفظنا يا بنات

المهم بقى انتو عارفين ان البنات طبعها لكاك وانا من النوع اللى بحب استمع لصحباتى اوى ونلك اوى

ومن ضمن الحكاوى حكاوى المخطوبين واللى بيحصل بينهم

الاقى واحدة يا ستى بتقولى ايه اسكتى مش فلانة عملت مع خطيبها كذا وكذا وكذا

يا نهــــــــــــار اببض ايه دا مش معقول ازاى يا بنتى حصل دا

اهو حصل وخلاص بقى

بصو بقى يا بنات اقسم بالله ان القصص دى واقعية ولاشخاص اعرفهم اوى

انا مش قصدى احكى عنهم بالسوء بس حبيت انصح كل بنوتة بحبها فى الله

من قصص واقعية عشان تتعظ وتاخد خبرة

اولهم واحدة كانت بتقعد مع خطيبها لوحدهم فى اوضة والاوضة فى الركن البعيد الهااااادى

وحصل اللى حصل

هتقوليلى طب ما هى اتجوزت يا فالحة اهو هقولك اه اتجوزت

بس والله العظيم بعد كام شهر من جوزاها جوزها رفدوه من الشغل وقالوه عمالة زايدة مع انه بقاله سنين فى الشغل

ويا عينى الحالة باظت والفلوس قلت ومفيش شغل وعمال يدور يدور وهى خلاص قربت تولد

وادى تانى واحدة وبعد 4 سنين خطوبة يا لهوى 4 ايوة جهل يا بنتى وخيبة

دى بقى كانت بتقعد فى الصالة بس ايه امها تلاقيها طلعت فوق عند ابنها ومراته واختها تلاقيها فى الكلية واخوها تلاقيه فى شغله

ويحصل اللى بيحصل

تخيلو بقى ايه يحصل اقسم بالله جوزها بعد فترة قليلة اوى اتخانق مرة معاها وضربها وهى غضبت بقالها شهور عند اهلها وهى حامل

اللهم اعف عنا اللهم اغفر لنا

وادى واحدة بعد سنتين خطوبة خطيبها سابها وبعد ايه قصة حب جامدة سابها ايوة سابها يا بنتى

والله العظيم البنت دى فضلت لقرب 30 مش مخطوبة ومتعقدة واللى سابها خطب واتجوز واتهنى

شوفو دى كمان كانت مخطوبة لابن عمها شوفتو ابن عمها وبردة تجاوزات تجاوزات

فسخو الخطوبة والله والله انه بعت لاخوها رسايل يقوله انا عملت مع اختك كذا وكذا انا شوفت كذا وكذا

استغفر الله العظيم من كل ذنب عظيم

انا عندى كتير اوى يا بنات حكاوى بس مش عاوزة اطول عليكم

وواحدة تقولى ما هو عادى ما ياما ناس كدة وبتتجوز

ماشى بتتجوز بس والله حياتهم بتتقلب مرة واحدة للوحش وبتحصل مصايب

وبعدين هتقولى دا خطيبى وبيحبنى وهيتجوزنى

هقولك ماشى بس اللى خلاه يحبك ممكن يخليه يكرهك ومن غير سبب

وفى بنات بتعمل كدة وبتقرف من نفسها وتكره نفسها وتكره خطيبها وتبقى مش طيقاه

وفى ناس بعد الجواز وفى اى خناقة تلاقى جوزها يقولها دا انا كنت بعمل معاكى ايام الخطوبة كذا وكذا اصلك مش محترمة من الاساس


فمعلش يا بنات نستحمل شوية كدة ربنا يعافينا ونتجوز على خــــــــــــــــير

وبصراحة يا بنات فى حاجات كدة عاوزة انبهكم ليها

انا مش بحب فترة الخطوبة تطول ولا انكم تقعدو لوحديكم فى اوضة

وربنا يكمل لكل بنوتة على خير ويجمعنا قريبا بخطابنا امين امين

معلش طولت عليكم بس عاوزة منكم حاجتين

ادعولى ربنا ييسر جوازى من خطيبى لو لينا خير فى بعض ويرزقنا التؤم
  والسلام عليكم

فى رعاية الله