اقولكوا عملت ايه كدة علطول من غير رغى كتير
جبت ازازة فاضية ونضيفة وليها غطا
او بتاعت اى مستحضر كانت عندك وخلص بس المهم تكون نضيفة تماماً
وحطيت فيها:_
كبسولات على قد متقدرى حطى مش مهم عدد بس مش اقل من 6كبسولات
ودى بتتباع فى الصيدلية الشريط تقريبا ب6جنيه
لكن انا جبتها من زنقة الستات اكيد عرفينها بس هى هناك شكل تانى
وفى منها للشعر وفى للبشرة
دى بتتباع الواحدة ب نص جنيه
وبعدين حطيت عليها زيت زيتون
بس خدى بالك انه يكون الاصلى عشان مش يكون ليه ريحة
ولو مش عرفاه اصلى ولا شميه لو ليه اى اى ريحة بلاش منه عشان ميخليش شعرك يكمكم
ومتخليش زيت الزيتون اكتر من الكبسولات بكتير عشان احنا عاوزين مفعولها
بس كدة ياستى لا اكتر ولا اقل
ركزى معايا بقى هتستخدميه ازاى :_
هتغسلى شعرك مرتين فى الأسبوع بس بشامبو جونسون لاتشابك بعد اليوم ده هاااااااااااااااااااااااااااايل
وانتى حطة الشامبو سرحى شعرك بمعنى :_
بللى شعرك حلو
وزعى الشامبو كويس
بلاش الفرك اللى بنفركه لشعرنا واحنا بنغسله ده بيقطعه
هاتى المشط بتاعك وسرحى شعرك عاااادى وهو عليه الشامبو لحد مايتوزع حلو ويدخل لفروة راسك
اشطفى شعرك براحة برده من غير دعك
وبعدين تسبيه لحد مايبقى مندى يعنى مش مبلول ومش ناشف اوى
بس ميكونش بينقط مايه وتقوليلى كدة مندى ها
وبعدين تحطى الزيت اللى عملناه فى الاول وتسرحى براحة
هتلاقيه سالك معاكى وقشطة اوى
اخر خطوة بقى ودى مهمة اوى
تلفى شعرك دوامة (طاقية) وتربطى ايشارب عليها زى زوبة اللهلوبة
وبعد كام ساعة فكيها هوى شعرك ولفيها العكس وبعد كام ساعة تانى (ياريت تسبيها يوم بحاله)
هتشوفى الفرق ان شاء الله
شاركنا رأيك وكن اول من يقوم بالتعليق :)[ 0 ]
إرسال تعليق