بنتى كانت هتضيع منى بسبب اكله ! ارجوكى خلى بالك !!!!!!!!!!!!!!
الثلاثاء، 22 أكتوبر 2013
أستغفر الله العظيم وهو الرزاق الكريم ماشاء الله ولا قوة إلا بالله
سبحان الله وبحمده سبحان الله العظيم
الموضوع دة حصل معايا امبارح وحبيت اقولكوا علية لافادة زى ما بتفدونى كتير
بنتى عندها 10 شهور وامبارح مكلتش كويس طول اليوم فجيت انا فى فترة العشا قبل النوم عملتلها كوكتيل فاكهة بالبسكوت عجبها ولاحظت مع اخر معلقة انها مش معترضة افتكرت انها لسة جعانة فعملتلها سيرلاك كمية قليلة علشان تكمل عشاها وخدت بالى قبل ما ااكلها اول معلقة من السيرلاك انها اتكرعت بس قلت عادى طالما مش معترضة يبقى خلاص ما هى على طول بترفض الاكل لما بتشبع مجاش فى دماغى انها علشان بتححب الاكل دة ساكتة ودخلت نامت بعدها على طول
صحيت بعدها بكام ساعة من النوم على صوت بنتى وهى بترجع كل الى فى معدتها وهى نايمة على ضهرها و ابتدى يظهر عليها علامات الاختناق لانها مش عارفة تقوم او تتحرك زى الكبار - فثوانى قلبتها على وشها و فضلت اخبط لما الحمد للة قدرت تتنفس بصورة طبيعية
رحمة ربنا بيا انى صحيت رغم ان الصوت مكنش عالى ومش قادرة انسى شكل بنتى و هى بتتخنق وبتبصلى اول ما شفتنى والى عايزة اقولة ويمكن امهات كتير تعرفة بلااااااااااااش اكل كتير قبل النوم حتى لو نوعيتة خفيفة -معدة الطفل الرضيع لسة بتتعلم تهضم الاكل ولا قدر اللة بنتى كانت ممكن تضيع منى بسبب اكلة
شاركنا رأيك وكن اول من يقوم بالتعليق :)[ 0 ]
إرسال تعليق