انتو عارفين في الصيف الواحدة مهما تستحمى وهي طالعة من الحمام عبال ما تلبس هدومها تلاقي نفسها عرقت تاني ومفيش ساعه وتلاقي ريحة العرق اللي طبعا كلنا بندايق منها ومهما تحطي من بارفان برضه مفيش فايده تجيب الروائح المركزة اللي بتتركب وتدهن بيها تحت باطها وأماكن النبض وبتبقى ريحيتها زي الفل طول اليوم .
المهم عملت زيها برضه رحت عن بتاع العطور وجبت ازازه عطر مركز من غير ما يخففو ب 10 بدأت أحط منها فعلا مش عايزه أقولكم على الريحه اللي انتي بتشميها في نفسك ومفيش ريحة عرق والله طول اليوم وكل ما اخد شاور احط كده شوية ومش بيبقع في الهدوم بس انا كنت باركز على الروائح العربية بتبقى هادية وحلوه...
المهم جيت شغلت الفكريره قلت انا كده كده بادهن جسمي بزيت جونسون رحت جايبه ازازة العطر ومفضياها في ازازه بخاخه جبتها من عند بتاع العطور ب 5 جنيه فاضية
المهم فضيت فيها ازازة العطر اللي كنت جايباها ب10 جنيه وكملت باقي الازازه زيت جونسون .... بجد روعه بارش على جسمي كله وهو مبلول من مية الدش واسيبه شويه وانشف بالفوطه والبس هدومي مش عايزه اقولك بجد على النعومه في جسمي وريحة العرق اختفت للأبد
شاركنا رأيك وكن اول من يقوم بالتعليق :)[ 0 ]
إرسال تعليق