ندخل في الموضوع
انتشرت اليومين اللي فاتوا كام حاجة خطيرة جدا
موضوع الكلور بتاع التبييض تحطي كلور على جسمك وسنانك عشان تبقى افتح؟
يعني ربنا عرفناه بالعقل لما الكلور فيه بطاس ومواد حارقة وكيميائية ونحطه في اسنانا عشان تبقى فاتحة؟ طيب تتوقعي كم الخطورة عاللثة والاسنان واللسان ايه؟
وبعدين لما هو الموضوع بسيط وسهل ورخيص كدة امال صالونات التجميل والادوية مش بتدخل الكلور ليه في الاستخدام؟
جربي كدة تغسلي ايدك بكلور وشوفي ايدك حتحرقك قد ايه وحتنشف وتقشف
طبعا حتيجي تقوللي ده بيفتح الغسيل واحنا مالناش نفس؟ حقولها لما تتقلبي لبنطلون ابقى انقعي نفسك في كلور
تيجي واحدة فذلوكة اكتر وتقوللي مااحنا في حمامات السباحة بنلاقي كلور حقولك اه وبتحصل بس عالاقل بتكوني نازلة بلبسك
لكن لما تتنقعي في كلور وانتي من غير لبس ويبقى الطريق مفتوح قدامه انه يدخل للمهبل وللرحم؟ تفتكري ده عادي ومش خطر؟؟؟؟؟؟
حتقولوا انتي بتعقدي الدنيا كدة ليه عايزين نبقى بيض
اولا
حطي في دماغك انك طالما ربنا خلقك سمراء يبقى انتي كدة ومش حتبقى بيضاء الا بعمليات تجميل ودي حرام طبعا
وبعدين هما السمر وحشين؟ والله العظيم بيبقوا زي القمر والخمريين كمان
ثانيا
عايزة تبقى افتح شوية يا ستي ولونك موحد اتعودي تعملي سكرب تقشير لجسمك بملح الحليب او حتى بسكر خشن وزيت زيتون كل اسبوع
وتدهني اي زيت او كريم عندك وانتي حتبقى ناعمة ولونك موحد وعن تجربة
لو انتي تقدري تعملي حمام مغربي يبقى جميل جدااااا ومابقاش مكلف للدرجة يعني مش حيعمل 50 جنيه ووبجد بيوحد لون الجسم لاني مجرباه
او حنة بيضاء ودي تحفة برضه
شاركنا رأيك وكن اول من يقوم بالتعليق :)[ 0 ]
إرسال تعليق