عايزه افتكر انا وانتم ان النظافه من الايمان يعنى اهم حاجه نكون دايما نضاف ومش شرط نستخدم حاجات غاليه لان مش كلنا يقدر عليها لاكن ممكن بحاجات بسيطه واسعارها فمتناولنا نهتم بجسمنا وشعرنا
للبنات والمدات المتجوزين وانا لسه بنوته فرحى كمان شهرين ادعولى ربنا يتمم بخير يارب

وبعد كل المقدمه الى اكيد زهقتوا منى فيها اقدر اقولكم

let,s go0o0o


اولا # ادات الشاور و الاستحمام #


فالصوره هنا الليفه المغربيه جميله جدا وليف دوار ناعمه عالجسم
وحجر للرجل ومبرد للرجل واخر حاجه السمره دى خفر خفاف وليفه ومبرد مع بعض

ملحوظه ممكن تفيد * الحجر الخفاف نستخدمه على جسم مبلول او مرغى بشاور عشان ميتجرحش وكفايا مرتين فالاسبوع


هنا شاور جل كامينا حلو جداااا بالورد وشاور جيل هيردو بالفراوله
والى تحت حمام كريم من هير دوبالعسل والنخاع
ملوحظه * حمام الكريم مش كل يوم كفايا مره فالاسبوع عشان منكتمش الشعر



هنا شامبو ليزا حلو معايا والى جمبه شامبو من سيلكينس بالكاموميل والليمون بس جامد جداااااااااا
والاسود ده صانسيلك

ملحوظه * نغسل الشعر مرتين فالاسبوع عشان يستفيد من الدهون الى بتتفرز فيه



هنا بلسم صانسيلك والى جمبه بلسم بالعسل

ملحوظه * نحط البلسم عالاطراف بلاش الفروه عشان تتنفس



وهنا صوره تزكاريه ليهم مع بعض


ثانيا # الصنفره والماسك #



هنا ملح الحليب وصنفره للجسم من فيانسيه وماسك للبشره بالفراوله وكيس بودرة تلك بعمل بيه ماسك مع ماية الورد

ثالثا # تصفيف الشعر #



هنا زيت فاتيكا بالزيتون والتانى بجوز الهند والتالت سباركل

ملحوظه * ياريت منحطش الزيت والشعر مبلول عشان هيجعده ويعمل ريحه وحشه استنوا لما الشعر ينشف من المايه يكون مندى وحطو الزيت هتلاقو مفرود اكتر ومش يعمل ريحه وحشه



هنا بانتين بديل الزيت ناس قالو وحش لاكن معايا حلو



هنا كريم فاتيكا حلو ودابر املا حلو جدا وايفا بالعسل جميل
نفس الملحوظه للزيت هيا كمان فالكريم


رابعا # رائحة العرق الى بتزيد طبيعى فالصيف #



كريم عنبر ماى واى كان جاى مع شاور الى جمبه كريم فيبكس حلو اوى الى جمبه مزيل بليه فيبكس والاخير ريكسونا حل جدا جدا

ملوحظه* لرئحه العرق ندعك تحت الابط بنص ليمونه


خامسا # ترطيب وتعطير الجسم #


معطر جونسون للاطفال بالافندر جميل جدااااااااا بيهدى وتحسى انك طفله
الى بعده بودره جونسون وزيت جونسون للاطفال جميل وبيرطب حلو اوى كانك بيبى
دى ماء ورد من ايفا بحطه على بوده التلك
والى بعده بودرة ولوشن انشانتر حلوين جدااااااااااااااااااااااااا

سادسا # البشره #



منظف للبشره من كلين اند كير



هنا ابونة دوف وكريم دوف
كريم ايفا وتمار ولوكس بالعسل ونيفيا وجونسون وجليوسيد الاحمر

ملوحظه * جليوسيد الاحمر مع ليمونه للاماكن الغامقه فلجسم



فازلين وجلسرين ولونا لتشققات القدم



كريم بانثبنول حلو اوى اوى اوى




معجون اسنان كلوز اب وفرشة اسنانى




مقص الفتله وحش جدا خساره الفلوس فيه وياريت محدش يجيبه



كام ملحوظه كده فالسريع


صنفره للجسم مجربه * ملح خشن زيت زيتون عصير نص ليمونه

صنفره للبشره * سكر وشوية مايه

تفتيح البشره * بودرة تلك ماية ورد لبن عسل ابيض مرتين فالاسبوع

لتطرية الجلد * 4 معالق دقيق 2 معلقه عسل ابيض 3 معلقه لبن

لنعومة الشعر * زبادى عسل زيت زيتون ساعه مرتين فالاسبوعتنبيه اداري
هذا الموضوع يحتوي على وصفات قد تسبب التهاب للبشرة عند البعض
يرجى توخي الحذر حرصا لسلامتكم