العثور على الزوج المثالي ليس بالأمر السهل بالنسبة للمرأة. لذلك، ينبغي عليها أن توجّه لنفسها أسئلة هامة للتقليص من هامش الخطأ على الأقل في مسيرة الزواج.

علماً أنّ قاموس المرأة مليء بالتساؤلات، ولكن ليس كلّها هاماً، لأنّ هناك أسئلة مركّزة ومحدّدة ينبغي أن توجّهها لنفسها قبل اتخاذ قرارها النهائي بالزواج.
الفلترة:
قال موقع "مدام نوير" على الإنترنت إنّ الأسئلة التي يتوجّب على المرأة طرحها على نفسها كثيرة قبل الزواج حول الرجل الذي سترتبط به. ولكن، هناك عشرة أسئلة محورية تعتبر بمثابة الفلترة لمعرفة الرجل الذي ستتزوجّه هذه المرأة أو تلك. إنها ضرورية لمعرفة جانب من شخصية الزوج المستقبلي لتقليص هامش الخطأ في الاختيار.


ما هي هذه الأسئلة؟

أولاً، هل عمره مناسب؟
بحسب الموقع، إنّ العمر، لاسيما عمر الرجل، لايقف عائقاً أمام الزواج إذا كان هناك حب حقيقي. ولكن، بسبب اختلاف التكوين الفيزيولوجي بين الرجل والمرأة، فمن المفضّل أن يكون الرجل أكبر سناً. ونصح الموقع بأن يكون الرجل أكبر من المرأة من خمس إلى ثماني سنوات.

ثانياً، هل هو ذكي؟
من المعروف بأنّ غالبية النساء يفضّلن الارتباط بالرجل الذكي. ولذلك، ينبغي أن تكتشف المرأة فيما إذا كان الرجل الذي ستتزوّجه يتمتّع بقدر كاف من الذكاء الذي يمنح المرأة الطمأنينة وراحة البال.

ثالثاً، هل هو حسّاس؟
قال الموقع إنّ المرأة معروفة بحساسيتها أكثر من الرجل، ولكن من الجيد أن يتمتع الرجل بقدر من الحساسية التي تعني الذوق وتقدير الآخرين.

رابعاً، هل هو جدير بالثقة؟
يعتبر هذا السؤال على جانب كبير من الأهمية، لأنه قادر على تحديد مصير أية علاقة زواج. ويتوجّب على المرأة أن تتأكّد من هذه الناحية، وتكتشف ما إذا كان الرجل الذي ستتزوج منه جديراً بالثقة.

خامساً، هل لديه وظيفة براتب ثابت؟
التحقق من هذا الأمر يمنح المرأة الشعور بالاستقرار المالي إلى جانب الرجل الذي ستتزوج منه. لا يهمّ هنا نوع الوظيفة أو المنصب، بل الراتب الثابت الذي يستطيع تأمين معيشة لابأس بها، في حال قرّرت المرأة عدم العمل بسبب الحمل والإنجاب.

سادساً، هل هو غيور جداً؟
قال الموقع إنّ الرجل الغيور جداً يخنق المرأة ويجعل حياتها صعبة للغاية . وأضاف: أنّ قليلاً من الغيرة يكون مقبولاً، لأنه ربما يكون دليل حب، ولكن الغيرة المرضية تكون مدمّرة للمرأة.

سابعاً، هل هو يكذب؟
يجب على المرأة أن تتأكّد أن الرجل الذي ستتزوّجه لايكذب، لأنّ الكذب ربما يعني الخيانة في المستقبل.

ثامناً، هل هو شرير بطبيعته؟
من السهل جداً أن تكتشف المرأة إن كان الرجل شريراً أم لا؛ وذلك من خلال مراقبة تصرفاته مع الآخرين، وبخاصة عندما يوضع في موقف حرج.

تاسعاً، هل هو على علاقة جيدة مع عائلته؟
أكّد موقع "مدام نوير" أنّ الرجل الذي يتمتع بعلاقة جيدة مع عائلته يكون عادة جديراً بثقة المرأة، لأنّ الرجل الذي لايستطيع أن يكون على علاقة جيدة بعائلته لن يكون قادراً على بناء علاقة جيدة مع الآخرين.
عاشراً، هل هو قادر على احترام المرأة؟
يعتبر هذا السؤال من الأسئلة الهامة أيضاً، لأنّ الاحترام يجب أن يكون أساس العلاقة الزوجية. انتهاء الاحترام المتبادل يعني في الحقيقة انتهاء العلاقة الزوجية.

إقرئ المزيد…

هنبتدى الأفكار على طووووول ..

يالا ..

+ انتي ممكن تجيبي ورد لون الفستان وتعملي بيه الكوشه
وكمان تجيبي بلالين لون الفستان ومعاها اللون الفضي او الدهبي هتلاقي الحاجات دي عند محلات الزينه وكمان غطيت البوفيه بقماش لونه فضي وورد من لون الفستان حولي تختاري لونين بس تعملي بيهم الديءكور عشان تكون حاجه راقيه
يعني لون الفستان ومعاه اللون الفضي مثلا.

الجزء الثانى

جهزي قائمة بالمدعوين

بنات كتير بتفتكر إنها لما تعمل الخطوبة في البيت يبقى مش لازم تعمل قائمة بالمدعوين والمعازيم اللي هيحضروا، لكن طبعاً ده كلام مش صحيح بالمرة؛ لأن الخطوبة اللي على الضيّق دي لازم تحضري لها قائمة بالمدعوين، زي الخطوبة اللي بتتعمل خارج البيت بالظبط، ويا ريت قبل ما تعملي قائمة المدعوين تحددي مساحة البيت عندك أد إيه؛ لأن على أساس المساحة دي هتحددي عدد المدعوين اللي هتعزميهم على الحفلة.

وخدي بالك إن القائمة دي لازم تكون جاهزة قبل ميعاد حفلة الخطوبة بوقت كافٍ على الأقل عشرة أيام، علشان يكون عندك وقت كافٍ إنك تتصلي بالمدعوين وتبلغيهم بميعاد الخطوبة، ويكون عند المدعوين هما كمان وقت كافٍ أنهم يجهزوا نفسهم...

ودي الخطوات اللي هتعمليها وأنتِ بتجهزي قائمة بالمدعوين..

1- هتقعدي أنتِ وعريسك ومامتك ووالدة عريسك، وتجيبوا ورقة وقلم وتبدؤوا في كتابة أسماء المدعوين واحد واحد وأرقام تليفوناتهم، وده علشان ما تنسوش حد.

2- بعد كده هتشوفي عددهم أد إيه بالضبط، لو كان العدد مناسب لمساحة البيت عندك يبقى ابدؤوا في الاتصال بالمدعوين.. لكن لو كان العدد كبير جداً ومساحة البيت عندك مش هتستحمل العدد ده كله يبقى اعملوا فلترة للقائمة دي.. يعني اختاروا منها المدعوين اللي درجة قربهم منك أنتِ أو عريسك كبيرة أو اللي ما ينفعش تعملوا حفلة زي دي من غير ما يكونوا موجودين.

3- هتبدئي تتصلي بكل المعازيم اللي من طرفك علشان تعزميهم، وفي نفس الوقت خلّي عريسك أو حماتك يبدؤوا هما كمان يعزموا المدعوين اللي من طرفهم ويشرحوا لهم عنوان البيت بالظبط.

4- لو كان في حد من المدعوين هيعتذر عن الحضور لانشغاله مثلاً أو سفره أو لأي سبب في الوقت ده تقدري تعزمي حد مكانه من اللي ما قدرتيش تعزميهم في البداية بسبب عدم وجود مكان ليه.


جهزي ورتّبي البيت استعداداً للخطوبة

أوّل حاجة هتعمليها هي إنك هتحددي المكان اللي هتكون فيه حفلة الخطوبة واللي غالباً ما بيكونش الريسبشن بتاع الشقة؛ لأن ده أكبر مكان في الشقة أو في غرفة الصالون، بعد كده ابدئي في ترتيب وتجهيز البيت علشان يكون مناسب لحفلة الخطوبة...

ودي الخطوات اللي هتعمليها:

1- تنظيف الشقة ودي أهم خطوة هتعمليها، ولما تيجي تنظفي لازم تنظفي البيت كله في الأوّل، وتخلّي المكان اللي هتعملي فيه الخطوبة آخر خطوة علشان ما يلحقش يتوسّخ.

2- بعد ما تنظفي البيت؛ تقدري دلوقتي تشوفي إيه قطع الموبيليا اللي هتخليها والقطع اللي هتشيليها في أي غرفة تانية من غرف البيت؛ لأن ساعات كتير بيكون في قطع موبيليا بتأخذ مساحة كبيرة من الغرفة ومش بيكون لها أي استخدام زي الكونسول أو النيش، وممكن تستغني عنهم وتحطي مكانهم كراسي إضافية للمدعوين، كمان شيلي الحاجات اللي تخافي عليها من الكسر؛ زي مثلاً الفازات الغالية والتحف اللي ممكن إنها تكون موجودة.

3- اختاري أبرز مكان أو أوضح مكان وحطي فيه كراسي الكوشة، وعلى فكرة ممكن تكون كراسي السفرة دي عبارة عن كرسين من كراسي الصالون أو كنبة الصالون أو ممكن تأجري كوشة "من عند بتاع الفراشة"، بس خدي بالك إن حجمها يكون مناسب لحجم المكان عندك، وحطي قدامهم ترابيزة صغيرة، علشان تحطوا عليهم الجاتوه أو العصير وكمان الشبكة لما تيجي تلبسيها.

4- لو حسيتِ إن الكراسي اللي موجودة في البيت مش هتكفي عدد المدعوين اللي هييجوا ممكن تأجري كراسي إضافية من أي محل فراشة.

5- يا سلام بقى لو تجيبي بوكيه ورد كبير وتحطيه وراء الكوشه بتاعتك؛ علشان يديها شكل جذاب وشيك ويطلع شكلها حلو في الصور.

6- ممكن كمان تزيّني المكان بالورود والبالونات اللي ممكن تحطيهم على شكل قلوب في كل أركان البيت، ويا سلام لو كانوا باللون الروز والأحمر.

7- لو ليكِ صورة إنتِ وخطيبك سوا؛ ممكن تكبّريها وتعملي منها بوستر كبير وتحطيه في مكان بارز، بحيث إنها تبقى باينة لكل المدعوين، أو تحطيها قدام باب الشقة وتكتبي عليها الجملة التاليةHappy engagement" " وتعني "خطوبة سعيدة" وتكتبي اسمك واسم خطيبك.

8- استحالة طبعاً المناسبة السعيدة دي تمر من غير ما يكون في حاجة تسجلها لحظة بلحظة؛ علشان كده جهزي أكتر من كاميرا.. واستعيني باتنين من أصحابك بتكوني واثقة في إنهم بيصوّروا كويس، واطلبي منهم إن كل واحدة تصوّر كل لقطة في الحفلة بحيث يبقى ما فيش لقطة أو منظر يعدي من غير تصوير.. وخدي بالك إنك تتأكدي بنفسك قبل الحفلة إن البطارية مشحونة كويس وإن كل حاجة تمام.

9- ما تنسيش تجيبي معطّر للجو علشان ترشيه في الآخر بعد ما تكوني خلصتِ كل تجهيزات البيت؛ لأنه بيدي رائحة حلوة قوي للبيت.


جهزي عشاء شيك.. وعلى مزاجك


ودلوقتي وصلنا لمرحلة من أهم مراحل تجهيزات حفلة الخطوبة، وهي مرحلة البوفيه أو السفرة واللي بتحيّر بنات كتيرة، وبيكونوا مش عارفين يعملوا فيها إيه؟! ومن الأفضل طبعاً عمل بوفيه مفتوح؛ لأنه بيكون أسهل وأشيك، وبيكون فيه أصناف متنوّعة، وطبعاً اختيار نوعية الأصناف بيكون حسب إمكانياتِك وميزانيتك اللي أنتِ حاطاها فمثلاً...

• لو معاكِ إمكانيات كبيرة.. ممكن إنك تعملي بوفيه كبير بيحتوي على مجموعة مختلفة من الأصناف زي مثلاً ديك رومي أو خروف صغير محشي بيتم وضعه في وسط البوفيه، بالإضافة إلى أصناف أخرى من اللحوم زي الكفتة واللحمة الباردة، وأصناف متعددة من الطيور زي البط والفراخ والحمام، وأصناف متعددة من المحاشي، بالإضافة إلى المكرونة البشاميل، وأصناف متعددة من السلطات، بالإضافة طبعاً لتورتة العروسين والجاتوهات والحلويات الشرقية والغربية والفاكهة بأنواعها المتعددة والمشروبات الغازية والعصائر.

• لو معاكِ ميزانية معتدلة.. يعني في المعقول يبقى ممكن إنك تعملي بوفيه بسيط بيتكون من مجموعة مختلفة من الساندويتشات البسيطة؛ زي مثلاً ساندويتشات الفراخ البانيه والكفتة والكبدة والجبنة الرومي.. بالإضافة طبعاً لتورتة العروسين والجاتو والشيكولاتة والمشروبات الغازية العصائر.

• لو معاكِ ميزانية بسيطة جداً.. يبقى ممكن إنك تعملي بوفيه بسيط جداً عبارة عن تورتة العروسين والجاتو والشيكولاتة والمشروبات الغازية والعصائر.

ونصيحة مني ليكِ.. يا ريت إنك تخليكِ بسيطة جداً، واللي في مقدارك ومقدار أسرتك قدميه، وبلاش تكلّفي نفسك فوق طاقتها، وبيني وبينك أنتِ أولى بكل قرش هيتصرف؛ لأنك بعد الخطوبة داخلة على مرحلة التجهيزات ودي بتحتاج فلوس كثيرة جداً، واعرفي حاجة إن الناس اللي بتحبك بتكون جاية خطوبتك علشان تفرح وتفرحك مش جاية تاكل.

وخدي بالك إن من الإتيكيت إن العروسة والعريس هما اللي يفتتحوا البوفيه مع بعض ويقطّعوا التورتة، ويا ريت إنك تطلبي من محل الحلويات إنه يحط صورتك أنتِ وخطيبك على التورتة.

وعلى فكرة لو مش فاضية إنك تجهزي العشاء، ممكن إنك توكلي المهمة دي لمامتك أو أختك الكبيرة أو واحدة من أصحابك أو أي حد يحب يخدم، ويا ريت تكون الحاجات دي جاهزة وموجودة على السفرة بشكل منظّم قبل الناس ما تيجي.
ممكن نزين كاسات العروسين بالطريقة دى وكل واحدة وذوقها بقى

إقرئ المزيد…

جبتلكم انهاردة فكرة جنان فكرت فيها وبدأت أعملها فعلاً لكل واحدة مخطوبة عايزة خطيبها يحبها
وهتحقق منها
1- ان ربنا راضي عنها لانها مش هتغضبه
2- قالت كل حاجة جواها من غير عيب ولا حرام
3- خلت خطيبها يحبها اكتر واكتر

ويارب الفكرة تعجبكم ان شاء الله

الفكرة هي


اننا نفتح ملف Word عالجهاز طبعاً كلنا عارفينه ليه بقى ملف Word بالذات !!!!! هقولكم

اولاً الملف دة هيتعمل وخطيبك مش هيشوفه أبداً الا لما يتكتب كتابك وقبل الفرح كمان بحاجة بسيطة لو حبيتي يعني عارفة ليــــه انا بقولك لما تكتبي كتابك ؟؟
بصي يا حبيبتي انتي اكيد جواكي كلام كتير اوووي نفسك تقوليهوله ويحس بيه بس مينفعش انك تقوليه او حرام تتكلمي معاه عن مشاعرك ديه لانه لسة غريب عنك
فالفكرة عبارة عن انك هتكتبي وهتقولي كل حاجة انتي حسيتي بيها ومش قولتيهاله وكان نفسك يعرفها بس مينفعش تنطقيها + انك كمان هتكتبي كل كلمة قالهالك او جملة او كلام معين كان مأثر فيكي جدا وحسيتي بيه واوقات انتي مردتيش عليه فيه هتكتبي ردك دة ومن غير اي كسوف او احراج
هتكتبي كل لحظة حلوة عشتيها معاه في فترة الخطوبة اللي بينكم
هتكتبي كل كلمة نفسك تحققيها بعد الجواز
نفسك بيتك يكون مبني ازاي سواء نفسيا اوي اي حاجة انتي عايزاها
نفسك تعملي ايه ونفسك هو يعمل ايه
ايه الحاجات اللي بتتمنيها انها تفضل معاكي طول عمرك
** انتي ممكن تقسمي ملف الورد دة ل 3 أقسام هقولك ازاي
يعني مثلا
اول جزء : هتكتبي فيه ابيات شعر مثلا او ادعية كافتتاحية يعني للي بعد كدة
اما الجزء التاني فدة هيكون بدايته تمهيد او افتتاحية لكلامك واللي انتي بتعمليه دة ليه ؟؟؟ يعني تخليه يفهم ليه انتي بتعملي الملف دة ؟؟
وكمان هتكتبي فيه كل حاجة نفسك انها تتحق او تتعمل سواء معاه او معاكي او مع اولادك او في كل حاجة انتي نفسك تحققيها
اما الجزء الثالث : هتكتبي فيه كل كلمة هو قالهالك قبل كدة او موقف عدى عليكم حلو وحسيتي بيه
وهتكتبي كل كلمة انتي حسيتي بيها وكل كلمة مقولتيهاش وكان نفسك تقوليها ومينفعش او مقدرتيش تطلعيها

** انا اخترت انك تكتبي دة كله في ملف Word علشان هيفضل معاكي طول عمرك حتى لبعد الجواز كل يوم حاولي تكتبي كل كلمة حلوة مرت عليكي وحستيها عشان هتبقى زكرى جميلة ولما تقعدوا تقروا اللي كتبتيه او اللي هو هيكتبه بعد كدة هتفرحوا اوووي وهيكون جو رومانسي جميل جدا

على فكرة الملف دة هيبقى مفاجأة جميلة جدا لخطيبك لما يقراه ويحس بكل كلمة كتبتيها ليه هيبقى ليها طعم تاني وبكدة هتكوني حافظتي على فترة الخطوبة وانك بتحاولي متغضبيش ربنا وكمان طلعتي كل اللي جواكي لخطيبك وكلمتيه واكنه معاكي وحاسس كلامك
وكمان عملتي مفاجأة لخطيبك بكل الكلام دة وهيفرح بيه اوووي وهيزود الحب بينكم أكيد

لأنه وقتها هيكون جوزك حبيبك ومكتوب كتابكم وخلاص فرحكم بعد كام يوم شوفي بقى وقتها هيكون نفسه الفرح يكون فوقتها عشان يكون معاكي علطول

بس عايزاكي وانتي بتكتبي تحسي انه قدامك وانك بتتكلمي معاه وبتردي عليه من غير اي كسوف ولا احراج ومن غير ماتخبي ولا كلمة

وربنا يسعدكم كلكم ويتمم لكل بنت على خير

إقرئ المزيد…

 النصيحه الغريبه فهى ناتجه عن موقف سأرويه لكم

هناك فتاه تحب خطيبها جدا وكانت تتصل به ليل نهار أكثر من اللزوم

فحكيت لأخى عليها
فقال لى


لابد أن تكون الفتاه كالبرفان    فسألته ما معنى ذلك

قال إن البرفان الغالى الثمين لو ظل بجانبك تشميه كثيرا سيقفد رونقه وبريقه وستحتاجين لأن تشمى غيره

أما كلما كان هذا البرفان غالى ونادر ستشتاقين له دائما





إذا فلنكون أخياتى مثل البرفان الجميل الغالى النفيس النادر

يشتاقنا الأحباء ويعرفون قيمتنا



أخيتى

توقعى أنك تشتهين أكله معينه وتجدى هذه الاكله كل وجبه أمامك
من المؤكد أنك ستملين منها وتشتاقين لغيرها
لذا فلنتبع من الان سياسة البرفان الغالى



يشتاق إليكى غيرك ولكنك عزيزه متمنعه


وتذكرى أختاه أن فترة الخطبه فى الاسلام ليست للحب والهيام وإنما للتعارف والوفاق

وفقنا الله وإياكم لما فيه الخير

إقرئ المزيد…

نقولها ضاحكين عندما يتقدم لأي واحدة منا عريس (عريس يا أماي.. طخه يا أبوي بس متعوروش)! الجملة الشهيرة للفنانة "نبيلة السيد" من فيلم "البحث عن فضيحة"!

خطيب جاء لخطبتك فماذا ستفعلييييييييييين؟؟؟؟؟؟؟؟!!!!!!


حقيقة هو موقف حرج لا تعرف فيه البنات كيف تتصرف.. وبماذا تشعر.. وماذا تقول!
وبعد خبرة سنوات في هذا المجال، جاءت هذه الملاحظات لتتذكريها إذا ما تهور أحدهم وأقبل على الزواج منك:
• تذكري أن الهدف من الجلسة الأولى ليس الموافقة على الزواج أو حتى الخطبة، بل هي مجرد جلسة لتحديد شيء واحد: هل هناك أمل في أن نقعد ثانيا أم لا؟!
• لا داعي للخوف والتوتر الذي قد يؤدي بكِ إلى شيء من اثنين: إما يجعل منك تمثالاً صامتاً بارداً، و إما شخصية هستيرية تضحك على كل كلمة بطريقة مصطنعة، مما سيؤدي بنقل الخوف والتوتر إلى العريس!
• الاتصال البصري مهم، فلا يعقل أن تنسى الفتاة شكل العريس بعد أن يغادر المنزل، ولكن في نفس الوقت، الحياء مطلوب، فلا تطيلي من النظر إليه.
• تذكري أنه إذا كان العريس قريباً منك في السن، أن هذا هو لقاءكم الأول، فلا يصح أن تستخدمي كلمات مثل "يا ابني" و "يا بابا"، ولا تكرري من استخدام لفظ "أنت" معه كثيراً.
• لو شعرتي أن إجابته عن سؤال ما غير واضحة بالنسبة لك، لا تستخدمي عبارة "لا أفهم كلامك"، حتى لا يشعر أنه هو المقصر في طريقة توصيل المعلومة، تفادي هذا بالسؤال عن نفس المعلومة بطريقة مختلفة..
أو مثلا أعيدي بذكاء ما فهمتيه من كلامه أو ما تعتقدي أنه من الممكن أن يحمله كلامه من معاني، فلو كنت مخطئة سيقوم هو بتصحيح ذلك.
• لا تقومي بارتداء شيء لا تحبينه أو لا تشعري بالراحة فيه، ومن الأفضل أن تقومي بشراء ملابس جديدة، واصطحبي معك صديقتك المقربة.
بمناسبة الحديث عن الأصدقاء، لا تقومي بعمل نشرة إذاعية لكل صديقاتك، أولا من باب الاستعانة بالكتمان في قضاء الحوائج، وثانيا حتى لا تحملي هم ماذا سأقول لهم إذا لم يكن لها نصيب مع هذا العريس.
• نامي جيدا وأثناء الليل، فالنوم أثناء الليل يريح الأعصاب ويجعل وجهك أكثر إشراقا.
• أبعدي عن الوجبات الثقيلة حتى لا تشعرك بالخمول، وأرجوك لا تضربي عن الطعام في هذا اليوم.
• لا تقومي بتجربة شيء في مظهرك أو شكلك لأول مرة.
• لا تنظري في الساعة أو السقف كثيرا، فهذه بعض الإشارات الخاطئة التي من الممكن أن تعطيها بجسدك، فمثل هذه النظرات الشاردة غير المقصودة ستشعره بزهقك منه ومن كلامه.
• لا تقومي بدور وكيل النيابة، وتقومي بإلقاء أسئلة كثيرة ومتوالية، وتذكري إنك مستحيل تعرفي عن أي شخص كل شيء في جلسة واحدة.
وفي نفس الوقت لا تتحرجي من السؤال عما بخاطرك؛ حتى تتمكني من تكوين رأي مبدئي، وشطارتك هنا ستكون في كيفية إلقاء الأسئلة بشكل طبيعي.
• أتركي الحديث في الماديات حتى لو لمجرد الفضول.
• جاوبي على كل أسئلته بشكل مبسط، لا تبالغي في الشرح "بلاش رغي" ولا تتحفظي في الإجابات.
• "لا" تتحدثي عن عرسانك السابقين أو تجاربك السابقة إلا لو سألك، ولو حدث هذا لا تستفيضي في الشرح.
• اجعلي إجاباتك مباشرة، ولا داعي للخطب العصماء، فمثلا لو سألك "أتفضلين الاستمرار في العمل بعد الزواج"، فلا داع لخطابات تحرر المرأة والجمعية النسوية لسيدات شمال أوروبا وصعيد مصر.. فقط أجيبي ببساطة ومن غير تشنج.
• أحذري من الانطباعات الأولى، وطبعا المقصود هنا الانطباعات على الشخصية، و خصوصا لو لم تكن مؤكدة ونسبتها كبيرة.
• استشيري أهلك ممن جلسوا معك في اللقاء.
• لا تقومي من باب التواضع بالإصرار والإلحاح والتركيز على عيوبك ومساوئك!
• في نفس الوقت لا تتحدثي عن انجازاتك وحسناتك بشكل مركز يوحي بالغرور والمنظرة.
• لا تتحدثي عن حياة أصحابك وزيجاتهم بتفاصيلها بشكل مبالغ فيه، ولا تكرري من جملة "صديقتي فلانة تقول كذا.. وفعلت كذا"!
• إذا كنتي تحرجين من تقديم واجب الضيافة ومن حمل الصنية وخلافه، أطلبي من أمك أو أختك أو أخيك المساعدة، ولكن لا تنسي شكرهم بحرارة.
• الابتسامة الصافية هي مفتاحك السحري لتهدئة أعصابك وإزالة توتر من أمامك.
• لو كان هناك واسطة "خير" يتم من خلالها التعارف، لا تتردي في السؤال عن أي شيء يجول بخاطرك إذا تحرجت من السؤال عنه بشكل مباشر، خصوصا لو كان شيء معرفته حيوية لاتخاذك القرار.
وأخيرا.. بشكل عام في العلاقات الإنسانية من هذا النوع لا يوجد ما يسمى بالتصرف الأحسن، فقط عليك بالاستخارة، كوني على طبيعتك

إقرئ المزيد…

عندى فكره حلوه قوى للمخطوبات اللى خطابهم مسافرين
اقولكم بقى على فكرتى بصى ياقمر منك ليها طبعا كل واحده مخطوبه لازم يكون عندها كتاب الزواج الاسلامى السعيد لانه تحفه وفيه كل حاجه من اول اختيار شريك الحياه حتى تربية الاطفال وطبعا لازم خطابنا كمان يقرووه عشان يتعلموا هما كمان فنون الحياه الزوجيه
وطبعا لانهم مش هيفضوا يجيبوا الكتاب ولاهيفضوا حتى يقروه فانتى طبعا ياقمر منك ليها هتشرحيله الكتاب بالتفصيل يعنى مثلا الكتاب فيه اقسام كتير وكل قسم فيه حوالى 40نقطه لو اخدتى كل مكالمه نقطه تتناقشوا فيها هتكون حاجه كويسه خالص
طبعا ده بعد السلامات فى الاول وبكده اتحداكى انك تحسى بالملل وخصوصا انك هتستفيدى وهتفيدى خطيبك ومش هتضيعى الوقت فى السلامات

إقرئ المزيد…

أفضل طريقة لإخبار الرجل عن حبك هو بالقيام بأمور لطيفة وبسيطة بشكل عفوي تعكس محبتك وإعجابك واهتمامك




سبعة طرق لإخباره بحبك بدون كلمات



إذا كنت حقا تريدين أن تظهري المكانة الخاصّة لشخص ما، فيمكنك ببساطة أن تخبريه بأنك تحبّينه، (ومن منا لا يحب أن يسمع هذه الكلمات مباشرة بدون لف ودوران) أو يمكنك أن تفاجئيه بهدية قيمة تخبره بمدى إعجابك به.

ولكن على الأرجح أن أفضل طريقة لإخبار الرجل عن حبك هو بالقيام بأمور لطيفة وبسيطة بشكل عفوي تعكس محبتك وإعجابك واهتمامك. هذه الهدايا الصغيرة سوف تجعله يتعلق بك، ويشعر بالراحة لوجودك معه، وقد يقودك ذلك إلى قلبه مباشرة. لذا إذا كنت متزوجة أو مخطوبة أو تبحثين عن طريقة تعبرين فيها عن مشاعرك له، فنحن نقدمها لك هنا، وحتى لا نطيل عليك، يمكنك تصفح هذه الهدايا السبعة واختيار ما يناسبك ويناسبه.

أعطيه دعمك:

بعد يوم شاق في العمل كل ما يحتاج الرجل إليه هو الشعور بأن شخص ما يسانده ويقدم له الدعم، ولا يزيد من عبئ مشاكله. لذا كوني الوسادة التي تتلقاه وتهدئ من اضطرابه وانزعاجه، بدلا من زيادة همومه.

أعطيه أذنك:

لا تخافي فقط الجزء المتعلق بالسمع، استمعي له جيدا، ولا تقاطعيه، ولا تنتقديه، ولا تقدمي له الحلول إلا إذا طلب ذلك. ولكن لا تجلسي هناك صماء وبكماء، قدمي له كلمات الدعم، وحاولي أن تتفهمي ماذا يقول وأغلقي جهاز التلفاز فهو لن يشعر باهتمامك وأنت تشاهدين محطة (فتافيت)!

أعطيه وقتا له:

بالطبع أنت تريدين أن يكون رجلك لك وحدك، ولكن كما تحبين القيام بأمور خاصة بك لوحدك، هو أيضا يريد أن يكون لديه وقته الخاص الذي يمضيه مع أصدقائه الرجال. لا تحاولي فرض سيطرتك على وقته، بل أمنحيه الحرية للذهاب مع أصدقائه والاستمتاع بوقته بعيدا عنك، لا تخافي سيعود ليخبرك بما جرى، وهكذا سيكون لديكما أشياء جديدة تتحدثان عنها.

أعطيه ما يريد (قبل أن يعرف بأنّه يريده):

هذه الهدية صعبة قليلة ولكن مع الممارسة ستصبح من الهدايا المفضلة لك وله. إن الاهتمام الذي يبحث عنه الرجل يتجاوز كلمة صباح الخير وأنا أحبك، كوني مبتكرة ونبيهة في نس الوقت، مثلا قومي بشراء عطر جديد له إذا وجدت عطره شبه فارغ، أو اشتري له علبة القهوة التي يحبها، أو قومي بإرسال قمصانه للمصبغة ليتم تنظيفها وكيها بطريقة أنيقة. وهناك المئات من الأشياء الصغيرة الأخرى التي يمكنك القيام بها وإظهار مدى اهتمامك وحبك له بدون أن تخبريه.

أعطيه إعجابك:

بعد فترة من الزواج، يصبح كل شيء روتينا حتى ممارسة الجنس، ولكن من قال أنه يجب أن يكون روتينيا في علاقتكما. ابدي إعجابك به عندما يحلق شعره أو يغير طريقة تسريح شعره، وعندما يرتدي ثيابا جديدة، واخبريه بمدى اشتياقك له عندما يسافر ويبتعد، كل هذه الأمور الصغيرة مهمة وهي حافز لاستمرار العلاقة وكسر النمط التقليدي. لا تدعي الروتين يقتل حبكما، وإذا سيطر عليه الروتين لا تدعيه يسيطر عليك فقد قمنا بتنبيهك الآن.

أعطيه سن رشده:

توقفي عن انتقاد تصرفاته، واتركيه يقود سيارته كما يريد، ويخاصم من يشاء، ويتحدث لمن يشاء، فأنت لست موظفة للتحكم به. إن أفضل هدية يمكن أن تقدمها السيدة لزوجها هو عدم محاولة السيطرة على سلوكه اللامبالي، فالرجال يعيشون لأجل هذه اللحظات الطائشة وسوف يحترم رأيك أكثر عندما لا تهاجميه على هذه التصرفات.

أعطيه أحلامه:

إذا أخبرك يوما ما – وليس غدا بالضبط، بأنه يرغب في تعلم سباق السيارات، امسكي لسانك ولا تحاولي أن تبدئي في إلقاء المحاضرات، اتركيه يحلم، ويحقق أحلامه كما يريد بعيدا عن الانتقادات اللاذعة، كلنا نحب الأحلام ونسعى لتحقيقها ولكن ليست كل الأحلام قابلة للتحقيق لذا اتركيه يشعر بالسعادة في أحلامه. ناقشيه وتحدثي معه ولكن لا تنتقديه، ولا تخبريه بأنه يملك مسئوليات هائلة اتجاهك واتجاه عائلته تمنعه من حتى التفكير في القيام بما يريد.

وأخيرا إذا كنت حقا تحبينه، فأعطيه قلبك بدون تكلف، وبدون الرغبة في الحصول على شيء بالمقابل، فكلما كان الحب بسيطا كلما كان أثمن

إقرئ المزيد…

بصوا بقى النهاردة قلت اجيبلكم الخلاصه فالخطوبه
طبعا انا اتخطبت صغيرة وكنت بطييييخة و قرعه كمان
دلوقتي الحمد لله ماشاء الله ,,, خليت خطيبي مدمن حبي انا
لاني مع الوقت اتعلمت واكتشفت اسرار كتير فالراجل الشرقي
قلت افيدكم واستفاد منكم برضو
اولا فترة الخطوبة دي الفترة اللي بتواجهي فيها حياتك الجديدة مع شخص جديد وغريب عنك خالص
وتكتشفي فيه و تطلعي الكتاكيت الفطسانة وهوة كذلك
وتشوفوا حياتكم ينفع تمشي و بنجاح ولا كل واحد يروح من مكان ما جة
انا بقى بمووووت بالمثل اللي بيقول جوزك على ما تعوديه
عامليه دايما زي ابنك الصغير ,, وكوني انتي نبع الحنيه اللي دايما محتاجة
اهتمي باكله , بنومة , بصحته بدواه لو تعب
يوم عندة حاجة مهمة الصبح صحيه انتي ,, يفرح بيكي اوووي
يوم هوة تعبان , اهتمي بمعاد دواه واتصلي او ابعتيله مسج
اهتمي بشغله ودراسة , خليه يحب يحكيلك
طبعا الرجاله مش رغايين زينا ,, وطبعا احنا البناااات اكتر حاجة بتخنقنا اننا نسكت عشر دقايق ونسمع واحد بيرغي
بس خطيبك حاجة تانيه ,, اساليه وتعالي على نفسك واسكتي
بس مش خالص الا تنامي
لا خليكي منفعله ومتحاورة معاه فالكلام
ساعتها هياخد على انه يحكيلك و هتبقى اقرب ليه من اقرب صحابه
وخصوصا لو انتي بتغيري من صحابة زي حالاتي

حاجة تانيه كمان مهمة اوي ,,, طبعا اغلبيتنا خطيبهم بيشتغل عشان يحوش وتتجوزا
خافي على فلوسة اكتر ما بتخافي على فلوسك
يعني وانتم بتجهزوا الشقة متقليش المصاريف عليه
قوليله هنجيب الحاجة دي دلوقتي واما ربنا يكرمنا نبقى نجيب الاحسن
هيقدرك والله اوي وهيديكي نور عينة لو طلبتيه

تالت حاجة هتكلم فيها انك دايما تحسسيه باهميتة فحياتك ,, بانك محتاجة لوجودة
اما تكوني مدايقة قوليله انا ارتاحت اما سمعت صوتك , انا اما حصل معايا كدة النهاردة كان نفسي تبقى جمبي , انا بفتكر مثلا كلمتك دي فبطمن , اما بتيجي على بالي برتاح ,,,,,الخ
طبعا هقولكم على كلمة سر انا بستخدمها مع خطيبي ,,, وبتجيب مفعول سحري
الكلمة هيا (( بابـــا ))
خطيبي مش عجوز على فكرة بس الكلمة دي ليها تاثير سحري سبحان الله
لانها بتحرك غريزة الابوة عند الراجل
والست الذكيه اللي تلعب عالحبل دة قبل ما يجوا العفاريت الصغيرين بعد الجواز ويكرهوه فيها
المهم ليها شروط استعمال عشان تحتفظ بمفعولها
اولا متتقالش كتير عمال على بطال
تانيا متتقالش غير وانتي غلطانة من ساسك لراسك
يعني عملتي حاجة اتفقتم انك متعملوهاش ,, خبيتي حاجة عليه ,, عليتي صوتك
المهم لو انتي غلطانة ولقيتي خطيبك بيزعك ومدايق اوي قوليله بصووت ناعم ,,, هاه نااااعم
(( انــــــــــــــــا اسفــــــــــــــه يا بابا ))
هتلاقيه سكت خاااالص ,,,وبعدين قوليله ماانت بابا واخويا و خطيبي
النونو غلطان و زعلان انه زعل بابا و خلاث خلاث اخر مرة
هتلالالاقيه راااق خالص و يقولك معلش حصل خير و تعدي على الخير
وينتهي الموضوع مش تفاتحيه او تقوليله بس انت اللي خلتني ولا انت السبب ولا حاجة من دي   منقووول

إقرئ المزيد…

عشان نرتب افكارنا الاول هنقسم علاقتك بيهم لفترتين :
1- قبل الجواز (فترة الخطوبه)
2- بعد الجواز

وهنقسم اهله ل3 اجزاء :
1- حماتك
2- حماكي
3- اخواته البنات و الولاد

وقبل مانبدا فالكلام احب اقولكم نصيحه صغيره
بس صدقيني اهم حاجه لازم تعمليها

وهى انك زي ما بتعاملي اهلك
تعاملي اهل جوزك والعكس

يعني الاهتمام يكون واحد ماتهتميش بحد اكتر من التاني وفالغالب لو فيه فرق فالاهتمام هيكون لاهل جوزكلان الواحده بتقول عادي دي مامتي ده ببايا دول اخواتي مش مشكله مش لازم البيت يكون مترتب قوي مش لازم اعمل غدا جامد
طبيخ عادي وخلاص والحوارات دي
ومع اهل جوزها لازم يكون البيت زي المسطره
ولازم تعمل مليون صنف وصنف على الغدا ولازم تكون لذيذه طول ماهما موجودين
ولازم تبقى مهتمه بمظهراها 24 قيراط

وفرق المعامله ده بين اهلك واهل جوزك بيسبب مشكله كبيره
ومش هتعرفي تصلحيها مهما عملتي
والمشكله دي ان جوزك هيبدا مع الوقت مش يحترم اهلك
و هيقلل من قيمتك وكمان اهله هيكونو كده
هيخدو بقى فكره انك خايفه منهم وانك حاسه انهم الكل فالكل
وهيبدأو بالبلدي كده يركبوكي
ومش يهتمو بيكي وهتلاقي الكلام بقى بدا يتلئح
عليكي والحركات دي

فانت لاااااااااااااااااااااازم زي ما تعاملي اهل جوزك
تعاملي اهلك بالظبط ومايبقاش فيه اي فرق بينهم فالمعامله والاهتمام


نيجي بقى لموضوعنا وطرق المعامله مع اهل جوزك

اولا: فترة الخطوبه

1- معاملتك لحماتك:


بصي بقى ياستي حماتك دي هتكون زي مامتك بالظبط
تحترميها وتحبيها وتعامليها زي ما بتعاملي مامتك
يعني تتطمني عليها تسالي عنها تجبلها هديه فالمناسبات على الغدا
لو تعبانه تزوريها وتاخدي معاكي حاجه حلوه او بوكيه ورد
و صدقيني الحاجت البسيطه دي بتاثر جامد فطريقة معاملتها ليكي

وانا هقولك طريقه حلوه تخليكي على طول تسالي عليها
عشان الوقت مش ياخدك وتلاقي الايام والاسابيع عدت
وانت حتى مش كلمتيها فالتليفون

- انت امسيكي موبيلك واعملي رسالة تذكر
فالوقت اللي يكون مناسب ليكي وليها مثلا الساعه 8 بليل
واكتبي فيها اتصلي بطنت فلانه والرساله دي كرريها كل يومين او تلاته
واما الموبيل بتاعك يرن بالرساله دي
تسيبي اللي فاديكي وتكلميها ومش هقولك ارغي معاها
انت بس اتصلي واقوليها الو ازيك حضرتك ياطنت اخبارك ايه
واخبار صحتك مش عايزه حاجه سلمي على عمو وفلان وفلان
اخوات خطيبك يعني وحماتك بس واقفلي مش هتاخد منك 3 دقايق
و هتسيبي عندها انطباع كويس جدا وهتحبك زي بنتها وكمان صلتك بيها هتزيد
وهتبداي تتعودي عليها وحاجز الرسميات هيتكسر بينكم
وهتبداي مع الوقت تحسي فعلا انها قريبه منك
بس تبقى تتصلي بيها مخصوص مش مثلا تكوني
بتكلمي خطيبك وتقوليله هات طنت اسلم عليها

- تاني حاجه الزيارات
لازم تزوريها كل اسبوع او اسبوعين وتاخدي معاكي حلويات هديه ليها هى
او للبيت مثلا صنية تقديم طقم كوبايات شاي حاجه كده مش هتكلفك اكتر من 30ج
ومش لازم كل مره تاخدي حاجه يعني بس طبعا اول مره لازم تاخدي فايدك هديه محترمه
بعدين فوتي مرتين كده وهاتيلها حاجه وكده يعني

- تالت حاجه العزومات
يعني تعزميها مره فالشهر مثلا حسب ظروفك يعني وتكوني انت طابخه الاكل او على الاقل عامله صنف واحد بنفسك لان ده هيدل على اهتمامك بيها وهيزود حبها ليكي

2- معاملتك لحماكي :

عادة الراجل ده بيكون غلبان يعني ومش بياخد حقه فالمعامله لان طبعا الكل بيهتم بالحما و ينسى الراجل الغلبان ده فانت برده لازم تكلميه وتسالي عليه ولو محروجه منه على الاقل ابعتيله السلام مع حماتك
وممكن تبقي تقوليلها اديهولي اسلم عليه كده كل مرتين تلاته تتصلي بيها وطبعا فالمناسبات تجبيله هديه يعني تعرفي عيد ميلاده امتى ممكن لو بيحب حاجه معيه فالاكل او الحلويات يعني تخديها معاكي وانت رايحه وقوليله انا عرفت من فلان اللي هو خطيبك ان حضرتك بتحب كذا فجيبهولك مخصوص كلمتين من دول برده حلوين ومش هيخسروكي حاجه بالعكس هيقربك منهم اكتر

3- معاملتك لاخوات خطيبك:

انتبهي ان ساعات اخت الزوج بتكون اصعب من الحما حتى لو كانت
قدك فالسن فانت بقى لو عنده اخوات بنات لازم تكلميهم كتير وترغي معاهم كمان
ولو نازله مثلا تشتري حاجه قوليلها ماتيجي معايا يا فلانه او تتصلي بيها
تقوليلها ماتعرفيش محل كويس بيبيع كذا وتحاولي تستشريها

لان بجد لو كسبتي اخت خطيبك فصفك هتبقى هى محامي الدفاع عنك
لو حصل مشكله لا قدر الله وتخلي ديما فيه صله بينكم واعتبريها واحده صحبتك
ولو خطيبك دايقك فحاجه اتصلي بيها قوليلها شوفي اخوكي عملي ايه بهزار كده
واحكيلها واشكيلها عن اللي بيديقك وهتلاقيها هى بقت
تقوله ايه ياعم مدايق فلانه ليه ولا مثلا ماتعملش كده تاني
عشان خطيبتك بتزعل وهتكون فصفك وهتدافع عنك فغيابك
لو عرفتي فعلا تكسبيها زي ما بقولك كده

بالنسبه بقى لاخواته الولاد
لازم طبعا يكون فيه حدود بالذات لو كانو شباب مش اطفال يعني
اه تكوني لذيذه وكل حاجه بس برده فحدود لان الرسول عليه الصلاة والسلام
حذر من اخو الزوج بس انا مش فاكره نص الحديث بس فيما معناه
انك تاخدي حذرك منه لان فالغالب بتعامليه زي اخوكي وممكن تقعدي قدامه بشعرك
مثلا وانت حاطه ميك اب والكلام ده على اسا انه مش غريب يعني
بس انت ماتعرفيش النفوس فيها ايه فانت تكون كويسه معاهم ولطيفه بس
تاخدي بالك من الحاجات الصغيره دي
ومش بقولك البسي الوش الخشب قدامه بس يعني خليكي وسط
لا سايبه قوي ولا مخشبه قوي

إقرئ المزيد…