زي مانتوا عارفين ان معظمنا ان مكنش كلنا بنعاني من مشكلة كبيرة جدااااااااااا

الا وهي (( المناطق الداكنة ف الجسم )) زي مثلا:

1. تحت الابط: وده طبعا بيجي من الاستخدام الكتير لمزيلات العرق زي ريكسونا وفيبيكس وغيرها

2. بين الفخذين: وده بسبب الاحتكاك طبعا والمشي والعرق والحاجات الوحشة دي

3. المنطقة التي حيرت العالم اجمع: المنطقة الحساسة ودي بقى بتيجي من عوامل كتير قوي منها واهمها ترك الماء بدون تنشيف بعد الحمام دي فعلا ياجماعة السبب الرئيسي ف غمقان المنطقة دي عشان كده تلاقوا الاجانب قشطة لانهم مش بيستخدموا مية اصلا لكن احنا ديننا مقلش كده طبعا ف احنا نستخدم مية طبعا لكن اهم حاجة التنشيف ثم التنشيف ثم التنشيف

طب وبعدييييييييييييييييييين ايه الحل؟؟؟

نفضل كده

 

اكيد طبعا لا

امال نعمل ايييييييييييييييييييييييه

بصوا بقى ياقمرات انا كنت قاعدة مرة مع واحدة صحبتي كان فرحها قرب وبتكلم معاها ف الموضوع ده قالتلي انا جربت وصفة ممتازة وعجبتني جدا وراحت ادهاتني

بيني وبينكم انا كبرت دماغي لان صحبتي دي بيضا طبيعي وقولت اكيد هي بتبالغ وده نتيجة للون بشرتها الفاتح

المهم بقى جيت ف يوم افتكرتها وقلت وماله اجربها مش هتخسر خصوصا انها كلها مكونات طبيعية..عارفين ايه الي حصل بعد ما جربتها

ندممممممممممممممممممممممممممت

 

ايوه ندمت

ندمت اني مستخدمتهاش من زمان يابنات

والله العظيم وصفة جناااااااااااااااااااان مالهاش حل في اسبوعين بس خلت المناطق الغامقة عندي زي القشطة والله بدون مبالغة ده كمان في مناطق ظهرت فيها النتيجة من اول مرة والله على ما اقول شهيد ( وانا لون بشرتي خمري ع فكرة مش بيضا ولا حاجة زي صاحبتنا )

زهقتوا طبعا من الرغي بتاعي وعايزين الوصفة

 

الوصفة السحرية الفتااااااااكة اهي:

اولا:المكونات:

1 كوب ماء ورد اي نوع

نص كوب ( او 3 ملاعق كبيرة ) زيت زيتون (ويفضل بتاع الاكل عشان يكون نقي)

نص كوب بودرة تلك

ملعقة صغيرة ملح أو سكر (انا عن نفسي كنت بحط نص ملعقة ملح ونص سكر)

قليل من الماء




كل المكونات دي هتخلطيها على بعض وتحطيها في اناء معدني ( الومونيوم مثلا) وتقليبيها كويس قوي بس ع النااااااااااار ايوه ع نار هادية خالص بس مش كتير يابنات مش هنطبخ احنا يعني كفاية 3 دقايق كده لحد م تحسي ان المكونات دابت

نيجي بقى لاهم حاجة : طريقة الاستخدام:

اولا الوصفة دي هنعملها كل يوم بالليل قبل ماننام

بصي ياستي تيجي بقى بالليل وتروحي واخدة الملوخية قصدي الوصفة بتاعتنا دي وتروحي تدفيها ع النار وتروحي تاخدي منها بطرف ايدك كده وتدهني بقى المناطق الداكنة عندك

بس خدي بالك انك ممكن تلاقي الوصفة مفصولة يعني تلاقي الصلب تحت والسائل فوق مش مشكلة عادي لما تيجي تاخدي منها قلبيها ف السريع كده بأيدك عشان تاخدي الاتنين مع بعض بس زي م قولنا لازم تكون دافية او سخنة ع قد ما تقدري تتحملي عشان تفتح المسامات

بعد كده البسي اي حاجة عندك مش عايزاها ( او حتى لو عايزاها الوصفة ريحتها تجنن اصلا ) واحلام سعيييييييييييييدة

والصبح بقى تاخدي دش او ممكن تغسليها بس بمية براحتك

وادعييييييييييييييييييييييلي بقى