فكره جديده : تخينه او رفيعه اعملى لانجيري من الايشاربات
الاثنين، 21 أكتوبر 2013
أستغفر الله العظيم وهو الرزاق الكريم ماشاء الله ولا قوة إلا بالله
سبحان الله وبحمده سبحان الله العظيم
السلام عليكم ورحمه الله وبركاته ازيكم ياعسولات عاملين ايه انا كنت الصبح زهقانه اوى وكتبت هنا انى زهقانه من الروتين اليومى وكنت قاعده باتصفح الاستشارت الزوجيه فلاقيت كام موضوع عن اللى حملوا اول جوازهم ومش بيعرفوا يلبسوا لانجيري او الانجيري صغر عليهم او مش بيليق عليهم الانجيري فبصراحه حسيت بيكم اوى لان كنت مسافره لجوزى وانا حامل ف السابع وكان بعيد عنى 3 شهور فكنت لازم اتصرف ف بطنى وانا مكعبره هههههههههه فقلت لازم اقول للبنوتات اللي بيفدونى كتير وكمان اغير من الروتين بتاعى واخد دعوتين ع الصبح كده طبعا انا رغايه اوى هاوريكم اول صوره ونشرح مع بعض واحده واحده طبعا انا استخدمت مخده
اول حاجه نجيب برا شيك كده ونلبسه وبعدين ايشارب يليق معاه ونربطه من تحت الصدر علي طول ونمسكه بدبوس من النص يكون قوى مش عايزين نعور الراجلوممكن تعملى شكل ورده ف النص بردوا وتدبسيها بدبوس تانى وصوره كمان عشان الحبايب
وممكن يتفتح من النص لو واحده مش عليزه تدارى بطنها هنا بقي ضفت طرحه صغيره من بتوع السورايه شوفوا اضافه صغيره اوى وخليته ولا اجدع فستان سوريه وهنا دخلت الجزء البمبي جوه فغير الشكل شويه ودى كمان للتوضيح وهنا عملت فيونكه حلوه صح ؟؟ ما تكسفونيش بقي ايه رايكم بقي شوفتوا ممكن الواحد تبقي حلوه لما تكون عايزه ما تقوليش انا تخينه انا عندى ترهالات لازم تبقي واثقه ف نفسك وتشوفى ايه اللى يناسبك وتلبسيه مش تقلدى وخلاص
شاركنا رأيك وكن اول من يقوم بالتعليق :)[ 0 ]
إرسال تعليق